Gaurkotasuna

2023ko Garraioa Ikuskatzeko Planean 166.540 arau-hauste hauteman dira; horietatik 153.405 espediente hasi dira, 144.608 ebatzi dira eta 8.456 artxibatu dira. Horrek 90.106.863 euroko diru-bilketa eragin du guztira. Horrek esan nahi du hasitako espedienteak eta ebatzitakoak % 3 eta % 5 igo direla, hurrenez hurren, 2022. urtearekin alderatuta.

Gaikuntza-titulurik ez izateagatik, 6.690 salaketa jarri dira salgaien zerbitzu publikoko ibilgailuetan, % 17 gehiago 2022an baino, eta 5.471 ebatzi dira, 2022an bezalaxe.

Guardia Zibilak egindako kontroletan, zifrak honako hauek dira: 204.054 ibilgailu kontrolatu; horietatik 76.627 salatu dira, eta 131.876 salaketa eragin dituzte. Salgaiak garraiatzeko ibilgailuei dagokienez, 189.665 kontrolatu dira, eta horietatik 121.947 salatu dira. Gehien hautemandako arau-haustea baimenik ez izatea izan da, 13.844 salaketarekin.

Gidarien lanaldien kontrolean bi kontrol mota egin dira: errepidean eta enpresan. Bi kontrol motetan gainditu egin dira aurreikuspenak, baina batez ere errepideko kontroletan, kontrolatu beharreko gutxienekoaren eta kontrolatutakoaren arteko aldea % 280koa baita. Enpresetan egindako lanaldien kontrolean 12.335 arau-hauste antzeman dira, 2022an baino % 25.7 gutxiago.

Takografoarekin lotuta hautemandako arau-hausteei dagokienez, 13.605 arau-hauste oso larri hasi dira, eta % 17ko igoera izan da 2022an baino. Eta 903 arau-hauste larri hasi dira, hau da, % 66ko igoera 2022koarekin alderatuta; eta 1.305 arin.